Koumsa Menm ft. Champion Lyrics

Yeah

Ionic Studio

Champ ek Auspi

Koumsa i pase dan sa pei

Pret zorey

You see

Bann camera sirveyans

Pe spy lo mon zot le deklar mon pann

Zot annan lobzektif progranm

Lavi zot kanmarad lanmenm lo zot telefonn

Zot pli move ki bann boug ki fer memes

Konman zot tann en dil zot oule eksit plis

Rimer ki zot fann plis laverite ganny kill

Dan sa pei tro bokou zot kapab vin zournalis

I paret i grat ou ler mon lev nivo

Ou paret naryen fer ensinifyan plito

Pe mangonnen lagel in bel pli move ki en hippo

Ou le koup en riban frerla abe la en sizo

Tro so

Lyrics kargezon tonnaz lo zot

Tat ou dilo nou pa'n popiler atraver photo

Pa'n bezwen zot laprouvasyon nou pa'n bezwen tag zot

Xtra big sound ki'n grave dan mon portfolio

Sa pei i deroul koumsa menm

Zot kontan tret li koumsa menm

Nouvel donnen ou le konnen 

Ou ava gannyen par gro ponyen wi

Koumsa menm

Sa pei i deroul koumsa menm

Zot kontan viv koumsa menm

Kraz zot prosen lav zot lanmen

Kraze lannen apre lannen wi

Koumsa menm

Progre wava fer

Rimer ya swiv ou deryer

Met enpe plis regar lo sa enn ki ou apel ou zwer

I ava donn en laplodisman lo ou karyer

Deryer ou ledo ya bwi konmsi lavaper dan teyer

Mwan mon fer sir sa ki mon fer

Mon pa frekant byen byen senpleman akoz zot tro dominer

Mon pa forse fer keksoz ki pa mon zafer

Sa ki mon konn fer breda mon ava fer li parker

Bat dife lo sa bann ki vin riye dan ledan

Fer brile tou zot bann zes demon

Be zot le cool parey marmay eksite lo rimer fer vo mye zot al fil en servolan

Dan sa lavi si ou annan en problenm akfer al poste ou let lo lans

Kre konfizyon kre kriz donn bal dan fo rimer me devan ou zot lanz

Sa pei i deroul koumsa menm

Zot kontan tret li koumsa menm

Nouvel donnen ou le konnen 

Ou ava gannyen par gro ponyen wi

Koumsa menm

Sa pei i deroul koumsa menm

Zot kontan viv koumsa menm

Kraz zot prosen lav zot lanmen

Kraze lannen apre lannen wi

Koumsa menm

Bann ipokrit koup de kote parey sizo

Move parol rimer ki sorti dan zot mizo

San poursan sourd lo zot

Nou lo en lot nivo

Zis pa sot nou balizaz

Pa depas nou taso

Yeah

Ou progre i fer zot sick and mad

I annan zonm tou le mwan

Ou a kwar zot war red flag

I fer zot leker gonfle parey sandbag

Zot tord

Ledan lansar zigzag

Lo sirfas zot le ou disparet

Si zot ti kapab

Zot ti pou donn ou en lannet

Pran laraz

Mouse parey bef pe ris saret

Zot tou deboule parey zonyon lo palet

Mon pozitiv fer negativite tay san met

Akoz mon sa gro bir

Ki dekok kannet

Mon dife i alim rouz parey devan sigaret

Mon pa tann bann kato kantmenm zot bat labek

Sa pei i deroul koumsa menm

Zot kontan tret li koumsa menm

Nouvel donnen ou le konnen 

Ou ava gannyen par gro ponyen wi

Koumsa menm

Sa pei i deroul koumsa menm

Zot kontan viv koumsa menm

Kraz zot prosen lav zot lanmen

Kraze lannen apre lannen wi

Koumsa menm

E la zot kontan viv

Zot in abitye viv

Koumsa menm

Viv koumsa menn

E zot ankor pe viv

E wi zot kontan viv

Koumsa menm

Koumsa menm

Koumsa menm